شبكه حب وحنين
عزيزى الزائر يرجى التسجيل واذا كنت عضوا شرفنا بالدخول

شبكه حب وحنين

شبكة حب وحنين - فضفض اتكلم ودردش ,قابل اصحابك ,شوف اجمد اللينكات والافلام والاغانى و الكليبات music films toys romantic
 
الرئيسيةالرئيسية  مكتبة الصورمكتبة الصور  بحـثبحـث  دخولدخول  التسجيلالتسجيل  
تخلص من جميع فيروسات الفلاش ميمورى بضغطة واحدة After Death 6 تحميل مباشر
After Death Antivirus 6.0.0.9
البرنامج مجانى مائة بالمائة
.

يقوم البرنامج بازالة جميع الفيروسات التى تصيب الفلاش ميمورى:
1- يقوم بازلة فيروس الاوتورن الشهير Autorun
2-يقوم بازالة فيروس الشورت كت shortcut virus
3- يقوم باسترجاع جميع الملفات المخفية على الفلاش ميمورى و Super hidden
4-أداة قوية لفحص جميع انواع اليو اسى بى usb scanner
5-البرنامج صالح لجميع أنظمة الويندوز

التحميل من هنا


شاطر | 
 

 رباعياات صلاح جاهين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
yasmeina_boky
مشرفه
مشرفه


انثى
عدد الرسائل : 25
العمر : 26
العمل/الترفيه : طالبه
المزاج : رايق
المشاركه :
40 / 10040 / 100

تاريخ التسجيل : 26/07/2008

مُساهمةموضوع: رباعياات صلاح جاهين   الأربعاء يوليو 30, 2008 6:29 pm

خرج ابن آدم من العدم قلت : ياه

رجع ابن آدم للعدم قلت : ياه

تراب بيحيا ... وحي بيصير تراب

الأصل هو الموت و الا الحياه ؟

عجبي !!!



ضريح رخام فيه السعيد اندفن

و حفره فيها الشريد من غير كفن

مريت عليهم .. قلت يا للعجب

لاتنين ريحتهم لها نفس العفن

عجبي !!!



ياما صادفت صحاب و ما صاحبتهمش

و كاسات خمور و شراب و ما شربتهمش

أندم علي الفرص اللي انا سبتهم

و الا علي الفرص اللي ما سبتهمش

عجبي !!



و الكون ده كيف موجود من غير حدود

و فيه عقارب ليه و تعابين ودود

عالم مجرب فات و قال سلامات

ده ياما فيه سؤالات من غير ردود

عجبي !!!



أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!



يا باب يا مقفول ... إمتي الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول

عجبي !!!

أحب أعيش ولو في الغابات

أصحي كما ولدتني أمي و ابات

طائر .. حوان.. حشرة .. بشر ..بس أعيش

محلا الحياة.. حتي في هيئة نبات

عجبي !!
سهير ليالي و ياما لفيت و طفت

و ف ليه راجع في الضلام قمت شفت

الخوف ... كأنه كلب سد الطريق

و كنت عاوز أقتله .. بس خفت

عجبي !!



كان فيه زمان سحليه طول فرسخين

كهفين عيونها و خشمها بربخين

ماتت لكين الرعب لم عمره مات

مع إنه فات بدل التاريخ تاريخين

عجبي !!



عجبتني كلمة من كلام الورق

النور شرق من بين حروفها و برق

حبيت أشيلها ف قلبي .. قالت حرام

ده أنا كل قلب دخلت فيه اتحرق

عجبي !!!



رقبه قزازة و قلبي فيها انحشر

شربت كاس و اتنين و خامس عشر

صاحبت ناس م الخمرة ترجع وحوش

و صاحبت ناس م الخمرة ترجع بشر

عجبي !!!!



ليه يا حبيبتي ما بيننا دايما سفر

ده البعد ذنب كبير لا يغتفر

ليه يا حبيبتي ما بيننا دايما بحور

أعدي بحر ألاقي غيره اتحفر

عجبي !!!
ورا كل شباك ألف عين مفتوحين

و انا وانتي ماشيين يا غرامي الحزين

لو التصقنا نموت بضربة حجر

و لو افترقنا نموت متحسرين

عجبي !!!



نوح راح لحاله و الطوفان استمر

مركبنا تايهه لسه مش لاقيه بر

آه م الطوفان وآهين يا بر الأمان

إزاي تبان و الدنيا غرقانه شر

عجبي !!



علي رجلي دم .. نظرت له ما احتملت

علي إيدي دم.. سألت ليه ؟ لم وصلت

علي كتفي دم.. و حتي علي رأسي دم

أنا كلي دم .. قتلت ؟ ..... والا اتقتلت

عجبي !!



انا كل يوم أسمع ........ فلان عذبوه

أسرح في بغداد و الجزاير واتوه

ما أعجبش م اللي يطيق بجسمه العذاب

و اعجب من اللي يطيق يعذب أخوه

عجبي !!!



ينبوع و في الحواديت أنا سمعت عنه

إنه عجيب .. و ف وسط لهاليب لكنه

شقيت كما الفرسان طريقي .. لقيت

حتي الخنازير و الكلاب شربوا منه

عجبي !!!!



يا قرص شمس ما لهش قبة سما

يا ورد من غير أرض شب و نما

يا أي معني جميل سمعنا عليه

الخلق ليه عايشين حياه مؤلمة

عجبي !!!



شاف الطبيب جرحي وصف له الأمل

وعطاني منه مقام يا دوب ما اندمل

مجروح جديد يا طبيب و جرحي لهيب

ودواك فرغ مني .... و إيه العمل

عجبي !!!



أعرف عيون هي الجمال و الحسن

و اعرف عيون تاخد القلوب بالحضن

و عيون مخيفة و قاسية وعيون كتير

وباحس فيهم كلهم بالحزن

عجبي !!



إيش تطلبي يا نفس فوق كل ده

حظك بيضحك و انتي متنكده

ردت قالت لي النفس : قول للبشر

ما يبصوليش بعيون حزينة كده

عجبي !!



إقلع غماك يا تور وارفض تلف

إكسر تروس الساقية و اشتم وتف

قال : بس خطوة كمان .. وخطوة كمان

يا اوصل نهاية السكة يا البير تجف

عجبي !!!



يا حزين يا قمقم تحت بحر الضياع

حزين أنا زيك و إيه مستطاع

الحزن ما بقالهوش جلال يا جدع

الحزن زي البرد ... زي الصداع

عجبي !!!!



في يوم صحيت شاعر براحة و صفا

الهم زال و الحزن راح و اختفي

خدني العجب و سألت روحي سؤال

أنا مت ؟ و لا وصلت للفلسفة

عجبي !!!
الفيلسوف قاعد يفكر سيبوه

لا تعملوه سلطان و لا تصلبوه

ما تعرفوش إن الفلاسفه يا هوه

اللي يقولوه بيرجعوا يكدبوه

عجبي !!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مورجن
العمدة


download : http://www.caramelst.com/download.php
ذكر
عدد الرسائل : 558
العمر : 28
العمل/الترفيه : هندساوى
المزاج : كووول
المشاركه :
100 / 100100 / 100

علم بلدك :
تاريخ التسجيل : 24/07/2008

مُساهمةموضوع: رد: رباعياات صلاح جاهين   الأربعاء يوليو 30, 2008 6:42 pm

صلاح جاهين مين مش بيحبه او يسمعه وخصوصا رباعياته

شكرااااااااااااااااااا على مجهودك
واتمنى انك تستمرى فى نشر الرباعيات

########&&&#######@@@######&&&#########





فان من بدأ المأساه.. ينـهيـهـاوان من فتح الابواب .. يـغـلقـهـا
وان من اشـعـل النار يـطفـيهـا

موقعى للبرامج والتكنولوجيا

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.caramelst.com
سمسمه
مشرفه
مشرفه


انثى
عدد الرسائل : 107
العمر : 26
العمل/الترفيه : مهندسه طبيه
المزاج : عال العال
المشاركه :
50 / 10050 / 100

تاريخ التسجيل : 25/07/2008

مُساهمةموضوع: رد: رباعياات صلاح جاهين   الخميس يوليو 31, 2008 11:56 pm

متشكره اووووووووووووووى وبجد انا عاوزه اتابع حلقات صلاح جاهين لانى كان نفسى اقره شعره من فضلك كملى

########&&&#######@@@######&&&#########




عامل الناس مثلما تحب ان يعاملوك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
randarano
مزازيكى جديد
مزازيكى جديد


انثى
عدد الرسائل : 14
العمر : 26
العمل/الترفيه : drawing
المزاج : رايق
المشاركه :
0 / 1000 / 100

تاريخ التسجيل : 26/07/2008

مُساهمةموضوع: رد: رباعياات صلاح جاهين   الأحد سبتمبر 14, 2008 1:39 am

جميل جدا و شكرا علي رباعيات صلاح جاهين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
رباعياات صلاح جاهين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكه حب وحنين :: الشعر والزجل :: ركن الشعر وكلام الاغانى-
انتقل الى:  
أفضل 10 أعضاء في هذا المنتدى
مورجن
 
shosho
 
eng_tota
 
sokar_mimi
 
سمسمه
 
اسـ*ـيرة الحـ*ـب
 
جيفارا
 
shikso
 
crazy cat2010
 
yasmeina_boky
 
عداد الزوار
tumblr statistics
mazazika radio
mazazika radio

our radio